N Tovem voros zaun asa amkam ek somarombhn-niechi sondi. Punn atam kaim vorsamni, hea son-vsarant jem cholta, je porim moniskullan bhoglam ani sonslam, sonvsarachi gombir poristhiti polleun, fud-darak kitem ghoddot hache vixim monant uchambol-lai asa. Dor disa jem amkam khobramni melltta tem titlem-xem borem nam. Sonvsarant zhuzam vaddot vetat. Sonvsarachea konnxea-konnxeamni hozaramni lok disa dispottim hea zhuzamni moron veta. Son-vsarachi orthik sthiti-i kosllon poddlia. Loka bhitor upott bhirant upott bhorlia ani chintnanchea bhara khala tim chepleant. Khasgi jivitant legun, ghorcheam bhitor konnacher visvas dovrum-ieta, hem ek vhodd
umannem. Moniskullachie nodren fokot niraxa dison yeta. Punn jim konn Devachim bhurgim mhonn mandun ghetat, tankam hem sogllem lagu zainam. Devachea bhurgeanchem jivit tanchea bhavarthacher cholta ani nhoi disa dispottim dekhlolea disnneancher. Devachem utor amkam sangta, “… kiteak ami dolleamni polleun nhoi punn bhavarthan choltat” (2 Kor. 5:7). Koso mhonn oslo bhavarth ami somzonk ani jiyeonk zata? Bhag. Paulu oxem boroita, “Bhorvanso dita to Dev tum-chea bhavarthant tumkam anondan ani xantin bhorum, oxem Povitr Otmeachea bollan tumcho bhorvanso odik odik vaddot vochom” (Rom. 15:13). Hem zaun asa amkam ek magnnem amcho bhorvanso vaddot vochonk. Devachem utor amkam spoxttponnim sangta, soronam toslo bhorvanso fokot Povitr Otmea thaim upzota.
“Jitlo hanv osokt titlo hanv Kris-tachie xoktin xoktivont” (2 Kor. 12:10)
Bhag. Paulu him aplim borpam sopurnn aslolie porjek nhoi punn dhumallo ani piddapidd sonstolie porjek boroita. Hi porza dhormik prokarancho dhumallo sonspi. Tanchea adharak pavpi kon-nuch naslo. Tanche lagim duddu vo probhavxali monisui nasle. Hi porza somazan bhairailoli porza. Fokot jivont zalolea Jezucher tancho visvas. Oslie piddapidd sonspi porjek, Bhag. Paulu, khoxalkayen ani xantin bhoron, bhor-vanxeak veng marunk, amontronn dita. To eke podviechi khobor korta. Son-vsari podvi nhoi, punn Devachi podvi Amchi chalu poristhithi pollelear, ho sondex amkam besboro lagu zata. Sogllem jem kitem amchie bhoun-tonnim ghoddtta tem vaitt zait. Punn oslea ghoddiamni ami amchi nodor Devacher thiraunk gorjechem. Kiteak tor, amcho bhorvanso zaun asa toch Dev. Tachiech kurpe vorvim ami bha-varth dovrunk xoktat. Bhorvanxean jiyeonk to amkam dixa dakhoita. Ani
he sogott Povitr Otmeachea bollan amchea jivitant To ghoddoun haddtta. Kristanvamchem daiz zaun asa tanchea kallzamni vomplolo bhorvanso, oxem Bhag. Paulu amkam kolloita. Hachem karonn zaun asa Dev, zacher ami purn-nponnim visvas thevum-ieta. Zor son-vsar amkam portun portun haroita ani khala apttita, hea bhorvanxeant ami dhiran rigon ravtat. Ami oxem korunk pavtat kiteak Tacho mog ami chakon ghetla. Hie chittint amkam Bhag. Paulu, Devachea oprimit ani xrextth mogacho puravo dakhoun dita. “punn ami azun patki aslim tednam, Krist amche pasot melo ani oxem Devan Apunn amcho mog korta mhonn dakhoilem” (Rom. 5:8). Hich zaun asa buniad amchea bhorvanxeachi. Ani ho bhorvanso pokho nhoi. “Ho bhorvanso amkam fottoinam, kiteak amkam dilolea Povitr Otmea udexim, Devan amchea kall-zamni Aplo mog otla. Kitench korunk amkam xokti nasli tednam, Kristan, Tacho nemlolo vell pavtoch, khot-team pasot Aplo jiv dilo” (Rom. 5:5,6). Bhag. Paulu spoxttponnim, hem kiteak gorjechem, tem amkam fuddem sangta, “eka promannik mon’xa pasot legun jiv diunk konnakui kotthin; tori eka borea mon’xa pasot konn ek, eka vellar moronk fuddem sorot. Punn ami azun patki aslim tednam, Krist amche pasot melo ani oxem Devan Apunn amcho mog korta mhonn dakhoilem” (Rom. 5:7,8). Ami ghoddye Devak nakarlo, punn Tannem Aplo oprimit mog ked-nanch soddun diunk nam. Tacho mog itlo sopurnn aslo ki Aplo jiv khorchunk dekhun To fattim soronk nam. Hoch zaun asa Tachea mogacho puravo. Bhag. Paulu amkam hea mogachi god-dvai fuddem sangta, zantunt amkam bhorvanso favo zata. “Aplea khaxa Putak legun Devan vattaunk nam, punn amam somestam pasot taka dilo mhonnttoch, Tache borabor koso To amkam sogott funkea diuncho nam?” (Rom. 8:32). Dev amkam kitench diunk fattim sorot kai? Hich zaun asa amkam khatri Devachea mogachi. Hakach lagun amcho bhorvanso vaddot veta. Jezu Kristant “bhorvanso amkam fot-toinam”.
Choddot veta toslea bhorvanxeacher
patieon amchean jivitachie somaromb-hnnient bhitor sorom-ieta. Amchea jivitant, khuinchie-i ghoddiek koslem-i dukh, tras, koxtt, niraxiponn upras-lear, ami koxinch niraxi zaunchim nhoi kiteak amkam Devachea moga-chi khatri asa. Dev amkam kedinch sanddcho nam. Zaite pauttim, kaim zonnank ami niraxi zalolim dekhtat. Tanchea jivitant ailolea koxttank tim Devan tanchea patkanchi diloli sojea mhonn mandtat. Punn hache vixim amkam axvason melltta ki konn porim ami patki zaunui amche khatir Deva-chea Putan mornnak veng marli ani amchi soddvonn keli. Devan amkam Aplea Putachea mornna vorvim, Aplea mogacho favo to puravo dila. Jednam hanv Devacho dusman zalo ani Tachie podvie add gelo, tednam Devan fokot moniskullachea moga pasot, soglleam von vhodd kimot farik keli ani sod-dvonn haddli.
“Tachi bhokti kortat ani Tachea mogacher visvas thevtat” (Stotr. 147:11)
Povitr Pustok amkam “bhorvanx-eachem ek kirnn porian asom nozo tednam bhorvanso dovrunk” (Rom. 4:8) apoita. He porim bhorvanso dovrop zaun asa ek vorixtt ani vichitr kurpa ji amche bhitor, khuinchiei gombhir poristhitint nibzonk zai. Abrahaman osloch bhorvanso dovorlo. Utar pirayer pavlolean taka bhurgem zolmochi koslich axa nasli. Punn tannem Deva-chea mogacher patieon aplo bhorvanso soddunk nam. Devachea koraracher to patielo ani axeun bhurgeachea denneak ravlo. Monis nodren ho tacho bhor-vanso fottvo sarko distalo. Punn Dev visvaxi. Ani dekhunuch Devachi podvi tachea jivitant tannem dekhli. Taka bhurgeachem dennem favo kelem. Ho bhurgo vaddttanam, Dev Abraha-mak hea bhurgeachi boli diunk apoita. Abraham Devacher aplo purnn visvas dovrun, ek visvaxi chakor koso, aplea bhurgeachi boli diunk Moriah don-
grar veta ani aplea puta Isakachi boli diunk toyari korta. Bhorvanxeachem Ihan’xem kirnn dekhun dison yenas-lem tori punn tannem aplo bhorvanso soddun diunk nam. Hie kallkhi ghod-dient, jednam fuddarak kitem ghoddot hache vixim to nennar aslo, tednam legun tannem Devacher aplo bhavarth unnem korunk nam.
Amchi nodor ami Moriah dograr thaun Kalvar porvotar firoilear amkam anik ek monis- ek avoi dison yeta. Maim Maria, Jezuchea khursa mullim, Tachi
pinzloli kudd aplie khankent gheun thoinsor bosloli asa. Tiech thirayen ti aplea putak hunttient gheun asli, jie thirayen tinnem Devak utor dilolem, “hi asa hanv Sorvesporachi chakorn: zaum mhoje sovem tujea utra porman-nem” (Lk. 1:38). Soglleamni tichea putak soddun dilolo, khud tachea mogachea xisamni legun. Konnunch tache fuddeant naslo. Jea konnak tannem pekhoile, bore sondex dile, jivitant boreponn haddlem ani zancho mog kelo, konnunch thoim nasle. Punn Tachi avoi, thoinch khursa mullim Taka aplie khankent gheun ravli. Bhorvanx-ean bhoron.
“Amche pasot gorib zaun ailo… hea Tachea goribponnam vorvim tumi deivik denneamni girest zaunchim” (2 Kor. 8:9)
Novea vorsachea humbrear ubim asta-nam, amkam Dev bhorvanxeak amon-tronn dita. Ghoddye fattlea vorsant amchea jivitant zaitem kitem vaitt ghoddlam zait. Zaitio aughoddayo, dukhest ghoddnnuko amchea jivitant onnbhovliat zait. Monis nodren amkam ghoddye fuddem kainch boreponn diso-nam ani sogllo bhorvanso ami soddun dila zait. Punn Povitr Pustok amkam bhorvanxean rigon ravonk apoita ani Devachea mogache zaite purave ugte korta. Kristachem punorjivontponn “poilem foll” oxem Bhag. Paulu boroita. “Krist meloleam modlo Mhalgoddo mhonn Devan Taka meloleantlo punorjivont kela” (1 Kor. 15:20). Judev lok tan-chea kaideam vo chalim pormannem,jem poilem foll utpon’n zatalem, tem Devak bhettoitalo. Vorsachea vorsak, lunvnniechea vellar, tanchie pikavol-licho ek vantto to lok altarar haddun Devak bhettoitalo. Dev tanchem hem foll mandun gheta ani axirvad ghalun tem povitr korta mhonn tanchem mandop aslem. Poilem foll zaun asli khunna akhkhiech pikavollichi. Hench monant dovrun, Bhag. Paulu amkam sangonk sodta, ki Jezuchem punor-jivontponn zaun asa hea poilea folla porim. Jim konn bautizmant Jezuk ek zaleant, ti sogott porza Tache bora-bor punorjivontponnank aitim zaleant. Jednam Jezuk mornnantlo ubharlo, tednam tache sangata amkam-i morn-nantlim ubharlim. Je porim Povitr Otmean dolint bhitor soron, mhoimen Jezuk punorjivont kelo, tech porim, tiech mhoiment to amkam-i punor-jivontponnak jivim korta. Jednam Bhag. Paulu punorjivontpon-nachi khobor korta, tednam tem fokot mornnantlo punorjivont zaunchem nhoi punn dor disa novea jivita-chea bhorvanxeak punorjivont zaunk apovnnem. Punnojivontponnachie mhoimechim ami azun legun bhagi-dar. Khuinchiei dolint poddon uronk ani kusonk amcho fuddar nhoi. Jitlei pauttim ami khala poddttat vo koslem-i odruxtt amcher yeta, tednam Povitr Otmo amchea adharak pavta ani thoin-sorlim amkam ukholta. Aiz kal ghod-dye ami dusmankayent buddon asat, vo vaitt vesonank lobdoleant, vo ghod-dye amchi orthik sthiti gombhir zalia, vo amchea kuttumbant futt poddlia. Kitlem-i odruxtt vo opovitr ghoddnni
jechem. Hie dolint, mhonnge amchea jivitant Povitr Otmo aplie xoktien bhitor soron, sorv vaittantlim amkam punorjivont kortolo. Hoch to bhor-vanso zo amkam Povitr Otmeant asa. Ani hakach lagun ami kednanch niraxi zaunk pavonant.
“Atam rudon kortat tim tumi sub-hagi, kiteak tumi hansonk pavtoleat” (Lk. 6:21)
Jezucheach utramni amkam bhorvanx-eachem axvason favo zata. “Hanv tumkam sot sangtam, tumi roddttole ani pinrgotole, punn sonvsar khoxalb-horit zatolo; tumi khontibhorit zatole, punn khonti bodlek tumkam mellt-tolo sontos. Ek bail porsut zaunchea vellar aplo vell pavlo mhonn khontib-horit zata, punn bhurgeak zolm ditoch, sonvsarant ek monis zolmola mhonn sontoson, tika anik khonticho ugddas zainam. Toxench tumkam atam khont zalia, punn Hanv tumkam novean pol-letolom ani tumchem kalliz khoxalb-horit zatolem, ani tumchi khoxalkai konnuch tumche thaun kaddun vhorcho nam” (Ju. 16: 20-22). Jezu eke porsut zaunk aslolie avoik sor korta. Hie osto-riek khub dukh ani tras sonsche poddt-tat. Punn tika bhorvanso asa. Ek novea jivak hea sonvsarant zolmoun had-dcho bhorvanso. Jednam zolmak yeun hem bhurgem poiliech pautt roddtta ani jednam tem roddnnem avoichea kanar sadta, tednam aplem sogllem dukh ti visorta ani tichem dhean hea bhurgeacher veta. Tiche soglle koxtt ani dukh ani khoxalkayent bodolta. Jem tinnem hea bhurgeak zolmak haddunk sonslem, tacho tika koslench dukhkh vo praischit nam. Ti sogllich sontosta. Ani oxench kitem amche sovem ghod-dttolem mhonn Jezu amkam axvason dita. Amchea dor eka dukhant bhor-vanxeachem kirnn liplolem asa. Ani hem kirnn purnnponnim ani jivitant fankarun amchem dukh pois korunk, Povitr Otmo amchea adharak pavta. Povitr Otmo sodanch amkam aplea anondan bhorta. Atam amkam spoxttponnim somzon yeta, Bhag. Paulu aplea borovpant amkam kitem thavem korunk sodta tem, “Tumkam bhorvanso asa mhonn khoxal ravat; koxttam dogdamni thir ravat; thambonastanam magnnem korat” (Rom. 12:12). Amcher koxtt dogd uprastat tednam legun amkam favo ti xokti asa. Hi xokti amkam Kristan bha-sailolea bhorvanxeantlean yeta. Niraxi- ponnan amcher veddho ghalum nozo, kiteak dukhachea kallkhant legun bhor-vanxeachem kirnn fankarta ani amchea jivitant khoxalkai bhitor kaddtta. Povitr pustok amkam fuddem uskaita, “dekhun amche mukhar dovorlolea bhorvanxeacher amchem mon ghott lavun dovrunk, amkam, Taka xeronn ailoleank vhodd dhir melltta. Zoxem nangor doriant vhoddem surokxit dov-orta, toxem ho bhorvanso amchem jivit suroxit samballtta” (Heb. 6: 18,19). Nangor eka vhoddeak, doriant koslem-i tufan upraslear surokxit dovorta. Bhorvanxeacho puravo amkam dita-nam, Devachem utor amkam adha-rui dita ho bhorvanso amcho khaxea korun gheunk. “Zankam Devacho Otmo choloita tim sogllim Devachi bhurgim” (Rom. 8:14). Jednam ami Povitr Otmeachie prernnen choltat tednam amkam Devachim bhurgim mhonn pacharcho khas odhikar onn-bhovum-ieta. Fuddem Povitr Pustok amkam sangta, “bhirantin bhorta toslo gulam’ponnacho otmo tumi gheunk nam. Khorem mhollear, tumkam Devachim apnnailolim bhurgim korta to otmo tumi ghetla; Tachea bollan Abba! Mhonnge Bapa, oso ami ulo martat. Ani oxem ami Devachi bhurgim mhonn Povitr Otmo, amchea otmea borabor, Apunnuch govai dita. Bhur-gim mhonnttoch ami daiji, hoi, daiji bhurgim Devachim ani daiji bhavb-hoinn Kristachim: Tachie mhoimechim bhagidaram ami zatolim zalear, Tachea koxttanchim-i ami bhagidaram zaunk zai” (Rom. 8: 15-17). Koxttam bogor amkam mhoima nam. Koxttantleanuch mhoima prokott zata. Ami Devachi bhurgim ani ami Tachi daiji. Tachie mhoiment amkam vantto asa. Punn hi mhoima fokot amchea koxttantleanuch amkam favo zata. Devacho bhurgo koso hanvem niraxi zauchem nhoi kiteak mhaka Tannem aplie mhoimecho ani khoxalkayecho daiji kela.
“Xubh khobor porgott kortat tanchim paulam kitlim sobit!” (Rom. 10:15)
Pap saib Francis amkam eke kherit kur-pechi somzonni dita. Hi bhorvanxeachi kurpa amkam fokot Povitr Otmeantlean favo zata. Amkam fuddem to sangta, “ami bhorvanso dovrunk amkam Povitr Otmo uskaita. Fokot Tacheanuch amche bhitor bhorvanxeachio bhavna zagoum-ietat. Hea sonvsarant ani konnacheanuch vo kosliei vostun, ho bhorvanso amche bhitor zagounk zainam. Amchi girest-kai, amchem sorkar, amche duddu han-chean amche bhitor bhorvanso rigounk zainam. To fokot kirlaunk zata Povitr Otmeachean”. Fuddem amkam Pap Saib mhunntta, “Povitr Otmo nhoich fokot amche bhitor bhorvanso nirmann korta, punn sorvbhountim kirlaunk amkam kurpa dita. Eka pormolla porim to sor-vbhoutim ximpddaunk amkam Povitr Otmo adhar korta. Vinagri bhaxen nhoi. Zaite pauttim jednam amchea jivitant tufanam uprastat, tednam ami ghoddye niraxi zaun amchem dukh hanga thoim dusreank sangon, koxie porim jivitant tras koxtt asat te kollit kortat. Hanga Pap saib amkam vinoita ani oxem korchem nhoi mhonn magta, kiteak Povitr Otmo
zaun asa amcho buzvonndar ani amcho budh dinnar. Ani hem Tachem misanv amkam Tannem ompla. Zankam Povitr Otmeachi bhorti favo zalia, tim dusre-ank buzvonn favo kortat ani bhor-vanxeachem kirnn tankam dakhoitat. Pap saib mhunntta, “buzvonn diyat ani anik somorthon korat zoso Povitr Otmo korta. Jednam tuzo ghorkar vo ghorkarn vo bhurgim kosli-i aughoddai gheun tuje thaim yeta, tednam tankam buzvonn favo kor ani bhorvanxeachem mukh dakhouk proyotn kor”. Jednam dukh amchea jivitant bhitor sorta tednam amkam ek misanv favo zata. Novea vorsant proves kortanam, bhorvanxean bhorlolim misionar koxim ami bhitor sorom-ia. Niraxiponn fattim ghalum-ia. Devachim bhurgim koxim, amcho sorv bhavarth Tachea puraveant, zo Jezu Krista vorvim purnn zata, ghalun, fuddem paul marum-ia. Jednam niraxiponn amchea jivitant bhitor sorta tednam Devachi visvaxi bhurgim ani misionaram koxim ami bhorvanxean fuddem vochonk proyotn korum-ia.