JOAQUIM A FERNANDES, MAHARASHTRA “ZANCHEM KALLIZ DUKHOVLAM KHONTOVLAM TANCHE SORXIM SORVESPOR ASACH! (STOTR 34:18).
S umar vis vorsam adim 2006-ant, Deivik Retir Kendrant mhojem retire zalolem. Tednanchean, onischit’tayen jivit bodol’lem. Fattinch sov mhoineam adim, hanv operesanvachea mezar pavlom, mhojie dimbiechea operesanva khatir. Te uprant hanv khub koxttant sampoddlom – he koxtt mhojie kuddintuch nhoi bogor mhozo otmo legit koxttovlo. Bhirant bhitor sorli, chinten mull ghetlem, niraxiponnan saulli ghali. Tori hea dengnnant astanam, mhaka Devachea utrancho ugddas ailo, hanvem bhiyeonk zainam kiteak To mhoje sangata asa sodam sogllia poristhitimni. Tea utrak hanv chikttun ravlom. 2025 vorsa Xoririk pekhovn-niechie bhozonne vellar, kitem tori osaman’ya ghoddlem. Hanvem zoxi Somia mukhar dimbi ghali, mhoje bhitor Tachem ghosghoxit asnnem mhaka zannvonk laglem. Jezuch mhoje bhitor aila oxem mhaka dislem, zoxe porim Tannem tie Aplea angvostrak hat lailolie ostoriek kelolem (Lk 8:43-48). Tea povitr khinnak, mhoji soglli dukh nanch zali – xanti, khol-tigpi xanti mhojea kallzak hunvar ailo. Te mukhar hanv dukhin bandun urlo nam. Mhaka pekhovnni mell’lli. Atam hanv choltam, nhoi fokot bollgean bogor novsorlolea bhavarthan. “TACHEA GHAYANK LAGUN AMCHE GHAI PEKHLE” (IZ. 53:5).
JOHANNA PEREIRA, MANGALORE “SOGLLEA TUMCHEA HUSKEANCHO BHAR TACHER GHALAT, KITEAK TAKA TUMCHI KALLJI ASA” (I PET 5:7).
Z aito kall zalo hanv tokliechie piddent aslim. Deivik Retir Kendrant, 2025-ant xoririk pekhovnniechie bhozonne vel-larui mhoji tokli foddttali, mhoje koddem tokli halounk zainaslem. Jednam yadnikan him utram mhunnlim, “Hanga konn tori asa zachi sotot tokli usolltta, sodam Jezu tuka pekhovnni diunk sodta”. Mhojea kallzan mhaka avaz dilo. Mhaka oxem dislem, Jezu mhoje koddem soroll uloita, just mhoji dukh ollkhota ani lamb kalachi pidda pois korunk sodta. Tea vellar, bhavarthan mhoje bhitorlo tann kaddun vhelo. Hanv haka govaiki dita, zoxi mhoje bhitorli dukh geli. Naddichem koslench chin’n nam, koslich mond dukh legit nam, fokot nivoll, xant’tai zhoim eka vellar mhoji tokli foddttali. Tea khinna thaun, hanv tokliechie piddentlean purnn mukt zalia. He khatir hanv Devak dhin’vastan ani hanv Devachim upkari. “TUJEA UTRA VORVIM MHAKA JIVIT MELLTTA MHONNUN, MHOJEA DOLLDIRPONNANT MHAKA BUZVONN MELL’LLI” (PS 119:50).